جيل المبزره..!

دقيقة بالله بقولكم شي ..
إذا فاتتك حلقة من مسلسل وش تسوي..؟

كل ما عليك فعله هو التوجه إلى أي ورع عندكم لا يصغر عن 5 سنين ولا يكبر عن 10
إذا وصلت له فقط ارعص على جبهته علشان بيدأ يتكلم << لانه يعرف وش تبي
يمكن ماراح تستغرب لو قالك تفاصيل الحلقة كاملة
ويمكن ماتتعجب لو قالك متى تنعاد
بس يمكن ينشل مخك وتموت الخلايا العقليه إذا قالك :

أنا ما انصحك تشوف الحلقة هذي تراها بايخه << شوف مين ينصح

أصلا النهاية كانت سخيفة لو إن الممثل الفلاني قال كذا بدال مايقول كذاك كان طلعت حماس !!

ولو خلو الممثلة الفلانية تسوي كذا بدال ماتسوي كذا كان طلعت أحلى !!
<< ويستمر تجلط المخ

يقولك الشاعر:

لَيْسَ غَرِيبَاً أَنْ تَرَى الطِفَلَ يَمْشِي مُبَكِراً
ولَكِن العَجِيبُ أَنْ تَبُصُ لطفلٌ يُوحَشْحِشُ

يوحشحشُ: أي يحشش : وفي اللغة : أي كانت أمه ترضعه حليب مسكر
وبالعربي: أي أن الطفل فاصل

.............................................

أعزائي المشاهدين الدقيقة خلصت فاللي يبي يمشي يوريني عرض اكتافه ويمشي
واللي يبي يكمل فأهلا وسهللا ومرحبآ به
1
2
3

بسم الله الرحمن الرحيم
بصراحة أنا مدري مين السبب في هذي المشكله
هل هو الإعلام ولا ألام والأب ولا البيئة ولا الناس ولا الحيوانات ولا كلهم مع بعض
ولا أدري بعد وش الحل <<

بس الحين خلونا في المشكله وإن شاء الله يحلها الف حلال

يعني انا بصراحة مدري هذا زحف ولا ذكاء ومدري هل هو بداهه ولا انحراف
المبزرة هالجيل غير شكل والله يستر من الجيل اللي بعده ..

.................................................

عندما تأتي بزرة ( أي طفل مؤنث ) وتقولك أنا بتزوج اليوم قبل بكرا
يمكن ماتفهي ولكن عندما تخبرك بأن زوجها هو أبوك ولا خالك فهنا قد تفهي وبقوة

وإذا كنت تريد أن تسطل مرة وحدة .. فقط أخبرها أنه لا يجوز ذلك ..

وشوف وش بترد عليك ..

.................................................

إذا جات أمك وقالت لك ابيك تعلمني عالكمبيوتر
ستتفاجأ وأنت تسمع ضحكت الورع الشريرة نياهاع هاع هاع
صدقني بطيح ضروسك وهو يتمصخر على أمك .. بأنها إنسانة حجرية مصنوعة من القصدير !!
فهو طفل لديه 10 إيميلات وقد يكون هو بزاتووه مهكر جهاز أمك

.................................................

جيل يحب الكشخه .. بس هل يعلم لماذا نحن نكشخ ؟
ليس لنتميلح .. وليس لنتجمل أمام الضيوف ..

بل يريد أن ترى خطيبته كشخته .. << أتوقع صديقته

.................................................

جيل يحب التقنية .. لكنه يحب أيضا الفشخرة ..
الفشخرة : أي التكبر . وفي اللغة : رفع الخشم . وبالعربي : الطفل زاعط
ماينفع الجوال بدون كمرا .. لازم فيه كمرتين بعد .. وليش اصلا جوال واحد؟
أنا ابي اثنين .. ليش؟ الورع عنده شريحتين محتار وين يحطهم

.................................................

جيل متابع ...

اليوم:

طفل الجيل الزاحف: أنت وش تطالع؟
طفل على وشك الزحف: أفلام كرتون

طفل زاحف: والله أنك بزر << لا ياشيخ

طفل باقي له خمس دقايق ويزحف : ليش ؟
طفل زاحف : أفلام الكرتون قديمة .. الحين في أفلام أطلق منها

ثم الطفل أصبح زاحف مثله ...

بكرا:

الطفل الزاحف: هاه كيف الفلم اللي أمس شفته؟
الطفل اللي خربها : والله انه ماله داعي كله خيال وكذب في كذب
الطفل الزاحف يرقعها : اي والله
الطفل اللي خربها : أقولك في فلم موب صاحي أكشن ن ن ومسدسات بجي الليله لايفوتك

بعد بكرا:

فلم رومنسي

وياقلب لا تعجب ..!!
.................................................

جيل يقلد .. ولكنه تخطى الحدود ..

الطفل يشوف أبوه يقدم القهوة .. لكن مايقلده !!
الطفل يشوف أخوه يدخن .. ويقلده !!

وكأن الدعوة أنا فاصل .. والشي السلبي ألذ من الإيجابي

جيل حدث ولا حرج ..

باقي ماشفتو شي

البزرة ماتبي بنطلون تبي برمودا ... طاحت موضة البنطلون خلاص ..
بزر يبي بنطلون طيحني .. لأنه يمشي مع الجديد ..

بزر يرد على أبوه في مجلس ويفشله .. يبه لا تكذب أمي هي اللي شرته !!

وأم تصيح لأن بنتها قالت لها قدام الحريم يمه شكلك يضحك بهالملابس !!

وسوالف ماتنتهي عن الجيل اللي ماندري هو عبقري ولا زاحف ..

نريد مناقشة أيضا لاتنتهي وسوالف إلى السنة الجاية منكم
أنا حشيت فيهم واااااااجد

لكن رغم هذا يبقون الأطفآل الزاحفين أساس البرآآآآآآآآءة

.................................................

نقفز إلى الأسباب ...

نبيها منكم

ونتشقلب للحل ...

نبيه منكم بعد

وسلامتكم