صــدفــه

قصه بنت كانت تطالع واحد بعين قويه
المهم الرجال طلع شاعر وماقصر فيها كم بيت عشان تتادب

شصار ؟؟

تابع القصيده

يــــــقـــــول :

كل شبر بهالوسيعه ملك ربي تعلمين .. واعلم ان اللي خلقني هو خلق لك هالعيون

لكن انتي من جلستي وانتي فيني تحدقين .. كن مابه ناس غيري بهالكراسي يجلسون

لو سمحتي عاد اسمعي وحتى لو ماتسمحين .. المهم اللي بقوله تسمعينه ويسمعون

عالاقل ليا ناظرتك سوي روحك تستحين .. غضي طرفك مثل غيرك خوف ربعي يلمحون

الركاده عاد زينه والحياء في البنت زين .. وفيك جازم لاركاده ولاحياء يذكرون

تعرفيني؟؟ اعرفك؟؟ مااذكر انا ملتقين .. لااعرفك من تكوني ولا تعرفي من اكون

واطمأني ان كان قصدك بس فيني تشبهين .. ماهو انا الي تعرفينه والبشر يتشابهون

مادريتي من التشابه يخلق الله اربعين .. واعرف اربع يشبهنك بس والله يستحون

وان كان قصدك شي ثاني عاد قولي وش تبين .. خايف انا نصير فرجه واللي ماشتروا يتفرجون

واذا ببالك عاجبتني لايحوشك تحلمين .. صح ربعي من جمالك فيك صار يمدحون

بس وش لي في حلاتك دام فيها ترخصين .. حشمه البنت وحياها والكرامه يلفتون

ولو توفر فيك هذاا مع حلاتك تبشرين .. ماهو انا الف غيري باب بيتك يطرقون

وش علامك رغم كل الي اقوله تسكتين ..موطبيعي هالسكوت وهالبرود وهالسكون

انتي خرسا اسألك ولامنتي تسمعين .. قالو ربعي ذي كفيفه قلت لا لا تمزحون

لين شفتك يوم رحتي يمسكونك باليدين .. مادريت الا عيوني اربع اربع يذرفون

آه ياني منه مشهد يوم شفتك ترحلين .. جيت اشوف عيون ربعي لقيت الكل يدمعون

يالكفيفه يالعفيفه ان قلت اسف تقبلين ؟؟ يغفر الله ذنوب عبده ليا خطا وهل تغفرون ؟؟