قصيده بنت تحب شاب وتزوج غيرها ...

قصيدة بنت تحب شاب حب شديد تركها وتزوج وحده ثانيه
شفت هذي القصيده المحزنه وحبيت انقلها لكم يالغالين :
جاني الخبر يا صاحبي واظلم الكون ==== قدام عيني ثم نطقت الشهاده
على العموم اقولها الف مليون ==== مبروك من قلب شكالك ابعاده
مبروك لا يهمك سواليف وضنون ==== من عاشق يهديك فرحة فؤاده
سو الفرح اليوم وابليس ملعون ==== واللي يشب النار يجني رماده
انا اول العالم على القصر يلفون==== اول معازيم الفرح والحداده
ابشر انا برقص على العرس بالهون ==== كل يعبر فرحته باجتهاده
لو البلا رقصي يقولون مزيون ==== المشكله القلب يفضح وداده
يوم العذارى في دخولك يغنون ==== وعروستك باحلى ثواني السعاده
كنت اتمنى بدالها والله اكون ==== واحط انا كفي تحت راسك وساده
واشلون ابكتم صرختي يوم تمشون ==== تكفى ..خذني للعروسه قلاده
حتى معازيم الفرح قامو يمشون ==== واصبحت انا وحدي بدون استفاده
وطفو علي النور من غير يدرون ==== قصر الفرح يا قبر(منيرة) ومهاده
وصيتي لو جاك بنت وانا امون==== سميتها لك(منيرة) قبل الولاده